Халықаралық қарттар күні "Қарттарын қадірленген ел ардақты"

1 ші -қазан Халықаралық қарттар күні мерекесіне орай мектебімізде қазыналы қарттарды мерекемен құттықтау мақсатында Қарттарын қадірлеген ел ардақты мерекелік іс-шара өткізілді.Мектеп бойынша іс-шара жоспары жасаланып, төмендегідей іс-шаралар атқарылды. 
Өтілген іс-шаралар мақсаты: Оқушы бойына ұлттың қадыр-қасиетін, имандылық, үлкенді қадірлеу, үлкенге ізет, кішіге құрмет көрсету  керектігін түсіндіру. Мерекелік іс-шараға ауылымыздың қарт ата - әжелеріміз, ақсақалдар алқасы, мектеп қабырғасында қызмет етіп, зейнетке шыққан Кошанова Ақзауреш Болатқызы мен Макатова Б аян Ербатырқызы, денсаулығының сыр беруіне байланысты зейнетақы алатын ауыл тұрғындары қонақ ретінде шақырылды.  Мерекелік іс-шарада мектеп ұжымы және мектеп оқушыларымен арнайы ұйымдастырылған мерекелік концерт көрсетілді. Жас өрендер би билеп,  ән салып, өлең оқып өз өнерлерін көрермендердің көңілінен шығып отырды. Қонақтар шын ықыласпен қол ұрып, мәз-мейрам болысып қалды. Осы мерекеде өздерінің құттықтау сөздерін айтты.Мектебіміздің директорының міндет атқарушы Дюселекова Эльмира Токсанбаевна да сөз сөйлеп, қонақтарға жақсы тілектер жолдады. Содан соң іс-шарамыздың қонақтары мерекенің сән дастархан мәзіріне ұласты.
Бұл жан дүниенің жомарттығы мен азаматтықтың кемел шағына деген құрмет. Айтулы шараға жиылған қонақтар жылына бір келетін мерекедегі қамқорлыққа дән риза. Бүгінде мемлекетімізде зейнеткер қарттарға үлкен көңіл аударылып, қамқорлық жасалып келді.Мұндай мерекелік шараның берері, ел мүддесін бәрінен биік қоятын қарттардың орны қашанда төр екендігін кейінгі ұрпаққа ұғындыру. 

Комментарии