1 қыркүйек-Білім күні

Сарыадыр негізгі мектебінде 2019-2020 жаңа оқу жылының басталуына орай Саналы ұрпақ-жарқын болашақ атты алғашқы қоңырау мерекелік салтанатты жиыны болып өтті. Алғашқы қоңырау мерекесі 1-сынып бүлдіршіндері мен 9-сынып оқушыларын салтанатты түрде ортаға шақыруымен басталды. Мектеп директоры Дюселекова Эльмира Токсанбаевна өз сөзінде қазіргі таңда жас ұрпаққа сапалы білім, саналы тәрбие беру-ұстаздар алдыңдағы үлкен міндет екенін аттап көрсете отырып, мектеп табылдырығынан аттап отырған бүлдіршіндерді ,9- сынып оқушыларын және ата-аналарды құттықтады. Сондай-ақ біздің қуанышымызға ортақтасу үшін мерекемізге  Білім бөлімінен келген құрметті қонағымыз  Динара Өміржанқызына сөз берілді.
1 қыркүйек- Білім күні мерекесімен оқушылар мен мектеп ұжымын ауылымыздың басшысы, ел атасы, ел-ағасы Дюселеков Мақсұт Акошұлы, көптеген жылдар бойы еңбек еткен,  мектебімізге өз үлестерін қосқан, зейнеткерлікке шығып отырған  ұлағатты да, ардақты ұстаздырымыз Кошанова Ақзауреш Болатқызы мен Макатова Баян Ербатырқызы және  ата-аналар құттықтау сөздерін айтты. Салтанатты жиын оқушылардың мерекелік сазды бағдарламасымен жалғасты. 1-сынып бүлдіршіндері тақпақтарын айтып, өз ата-аналарын және келген қонақтарды бір қуантты. Бастауыш және жоғарғы сынып оқушылары ән айтты, би биледі.Жиынымыздың ең бір ерекше сәтіне де жеткендейміз, ол- қоңырау соғу салтанатты. Бұл құрметке тұңғыш мектеп табалдырығын аттағалы тұрған 1- сынып оқушысы Огузбаева Диляра мен 9-сынып оқушысы Толяшев Ораз ие болды.Қоңыраудан соң барлық сынып оқушылары өз оқу кабинеттерімен танысып, алғашқы білім күні сабағына қатысты.

Комментарии